Tamil kavithai about school, #my school - பள்ளிக்கூடம்

-

பசுமையான நினைவுகளை
அள்ளித்தரும் அக்ஷ்யபாத்திரம்,
அழுகை, சிரிப்பு, போட்டி, நம்பிக்கை, முயற்சி
அனைத்துக்குமான ஆரம்பக்கோடு,
நட்போடு பழகிய நண்பர்கள் கூட்டம்,
அதட்டி அறிவுரை சொன்ன அன்பான ஆசிரியர்கள்,
புத்தகத்துக்கு நடுவிலே குட்டி போடும் மையிலிறகு,
தேர்வுக்கு துணைக்குவந்த ஆஞ்சநேயர் படம்,
ஒற்றை மரத்தடி நிழலில்
ஓராயிரம் கதைகள்,
மணியான மணியோசை,
மாற்றி உண்ட மதியஉணவு,
சின்ன சின்ன சேட்டை,
சிரித்து மகிழ்ந்த நாட்கள்,
அத்தனையும் எதிரொலிக்கும்
அழகிய சின்ன சொர்க்கம்
    "பள்ளிக்கூடம் "

Comments

Post a Comment

Popular posts from this blog

Tamil kavithai for daughter, daughter's love - மகளுக்கோர் கடிதம்...

-
Image
அழகிய என் மகளே  அன்பாய் ஓர் கடிதம்,  கருவில் நீ வந்த,  காலம் முதலாக,  கனவும் நீயின்றி இல்லையடி ! கண்ணே உன் முதல் பார்வை,  என் கண்ணுக்குள்  நீங்காத காட்சியடி ! உன் மூச்சு எனை உரச,  நீ உண்ட முதல் பாலை,  முத்தமிழும் விளக்கிட இயலுமோடி ! உன் பிஞ்சு கைகோர்த்து,  நெஞ்சம் மகிழ்ந்த கதை,  நினைக்கும் போதெல்லாம் இனிக்குதடி ! அம்மா என்றழைத்து,  அழகாய் சிரிக்கையிலே,  அகிலமும் சிறிதாகி போனதடி ! உன் செயலை நான் பார்த்து,  அதில் என் செயலும் தெரிகையிலே,  என் தாயின் உணர்வுகளும் புரியுதடி! சின்ன குழந்தையென உன்னை பார்க்கையிலே,  சீரான உன் பேச்சு,  என்னை கொஞ்சம் அசத்துதடி ! சோர்ந்து நான் படுத்து, இயலாமல் நானிருந்தால்,  உன்மடியில் எனைத்தாழ்த்தி நீகாட்டும் அரவணைப்பில்,  நீயும் என் தாய்யென்று தோணுதடி ! எப்பிறவி எக்காலம் நான் செய்ததவமோ?  எஞ்சாமி நீ வந்தாய்  என்வாழ்வின் வரமாய் ! இன்னொரு பிறவி எனக்கிருந்தால்  என் உயிரே  நீயே மகளாக வேணுமடி !!                                   ... என்றும் அன்புடன் அம்மா 
Read more

Tamil kavithai about pregnancy - தாய்மை

-
Image
நாயகன் கைகோர்த்து நாளொரு தவமிருந்து  நாட்கள் தள்ளி நல்லதொரு சேதி  சொன்ன  நாள் முதல் தொடங்கியது  தாய்மையின் முதல் அத்தியாயம் ! மசக்கையின் மந்திரத்தில்  மாற்றங்கள் எனக்குவர  மன்னவன் தோல் சாய்ந்து  மயக்கம் வருகுதென்றேன் ! தூயவளே துயர் வேண்டாம்,  நம் குழந்தை நீ சும்மக்க  என் குழந்தையாய் உன்னை நான் சுமக்கிறேன்  துணிந்து வா என்னோடு என்றுரைத்தான் ! வாந்தியும் சோர்வும் வாட்டி வதக்கையிலே  வசமிழந்து வந்து நின்றேன் என் தாயிடம்,  என் மகளே,  மாதராய் பிறந்திட்டால்  மணிமுத்தை பெற்றெடுக்க  ஈரைந்து மாதங்கள் இவையனைத்தும் வருமென்று  பக்குவமாய் எடுத்துரைத்தாள் ! பிடித்ததெல்லாம் பிடிக்காமல் போக  பிடிக்காததெல்லாம் பிடித்துப்போக  அவையனைத்தையும் சுவைத்து தீர்க்க  முதல் மூன்று மாதமும் முறையாய் முடிந்தது ! பிறர் சொல்லி கேட்டறிந்தேன்  காட்சியாக பாத்திருந்தேன்  மனதார நானுணர்ந்து  மகிழ்ந்து திளைத்திருந்தேன் உன் அசைவில் ! என் வயிறும் வளர்ந்திருக்க  வாட்டமும் குறைந்திருக்க வசமாய் வளைந்து போனது  இரண்டாம் மூன்று மாதமும் ! நீ வரும் நாள
Read more